Հանրահայտ ֆուտբոլիստ Կրիշտիանու Ռոնալդուն Պորտուգալիայում նշվող Մայրերի օրվա կապակցությամբ մորը՝ Մարիա Դոլորեսին, նոր Mercedes է նվիրել, գրում է Daily Mail-ը։
«Յուվենտուսի» աստղը չափազանց մտերիմ է 65-ամյա մոր հետ, որը մեծ ազդեցություն է ունեցել ֆուտբոլիստի կարիերայի վրա։
Չորս երեխաների մայրը Instagram-ում մեծ հպարտությամբ ցուցադրել է ստացած նվերը։
«Շնորհակալություն իմ երեխաներին այսօր ստացածս նվերների համար։ Երջանիկ օր եմ մաղթում բոլոր մայրերին»,- Instagram-ում գրել է Մարիա Դոլորեսը։
Ռոնալդուն իր հերթին սոցցանցերում տոնի կապակցությամբ շնորհավորել է մորը և ընկերուհուն՝ Ջորջինա Ռոդրիգեսին։
«Շնորհավորում եմ իմ երկու սիրելի կանանց Մայրերի օրվա առթիվ»,- գրել է ֆուտբոլիստը։
Պորտուգալիայում Մայրերի տոնը նշվում է մայիսի առաջին կիրակի օրը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
