Աշխարհում կորոնավիրուսից 91 994 պացիենտ է ապաքինվել: Աշխարհում կորոնավիրուսից մահվան դեպքերը թիվը հասել է 11 431-ի, հաստատված դեպքերի ընդհանուր թիվը հասել է 277 275-ի:
Worldometers.info/coronavirus/-ի տվյալներով՝ կորոնավիրուսն արդեն ներթափանցել է աշխարհի 186 երկրներ: Չինաստանում մեկ միլիոն բնաչությանն ընկնում է 56 դեպք: Չինաստանում արդեն 71 741 պացիենտ է ապաքինվել:
Իտալիայում, վերջին տվյալներով, մեկ միլիոն բնակչությանն ընկնում է 778 դեպք, վարակվածների ընդհանուր թիվը՝ 47 021, ապաքինվել է 5129 պացիենտ:
Իրանում վարակվածների թիվը հասել է 19 644-ի, մահացել է 1433 մարդ, ապաքինվել՝ 6745-ը:
Հիշեցնենք, որ ՀՀ ԱՆ Հիվանդությունների վերահսկման եւ կանխարգելման ազգային կենտրոնի տվյալների համաձայն՝ Հայաստանում հաստատվել է վարակման 160 դեպք, 1 պացիենտ ապաքինվել է:
