Ըստ ամենայնի, նա մեզ լսեց և հայտարարելու է արտակարգ իրավիճակ, բայց սա շատ քիչ է։ Իրականում շատ ավելի բարդ վիճակ է տնտեսության մեջ, որն օր օրի վատանալու է։ Պետք է անհապաղ ձեռնարկել քայլեր այդ ուղությամբ։ Որպես սկիզբ պետք է հայտարարել, որ պետությունը ստեղծում է 300 միլիոն ԱՄՆ դոլար հակաճգնաժամային ֆոնդ։ Գումարը կա, ձեր անցած տարվա թերակատարված բյուջեի մնացորդն է, որը որպես ավանդ դրել եք Կենտրոնական բանկում։ Կարևոր քայլերից է որոշ բիզնեսներին հարկերից ազատումը, ֆիզիկական և իրավաբանական անձանց վարկային պարտավորությունների դադարեցումը առնվազն 3 ամսով։ Մի ծախսեք ձեր ողջ դոլարային պաշարը փոխարժեքը պահելու վրա, սա, միևնույնն է, չի օգնելու, քանզի երկարատև ժամանակահատվածի համար չունեք այդքան դոլար։ Այս պահին այսքանը։ Հուսամ՝ սա ևս առանց ծաղրելու կանեք։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
