Azatutyun.am-ը գրում է․
Թուրքիայի առողջապահության նախարար Ֆահրեթին Քոջան երեկ ուշ երեկոյան հայտարարել է երկրում գրանցված կորոնավիրուսի առաջին դեպքի մասին: Նա նշել է, որ վարակված քաղաքացին տղամարդ է, վարակվել է Եվրոպայում: Վարակի ախտանշաններ՝ բարձր ջերմություն, հազ է ունեցել, և կորոնավիրուսի կասկածանքով լաբորատոր թեստ անցնելուց հետո դրական արդյունք են ստացել:
Քաղաքացին այժմ մեկուսացված է, նրա առողջական վիճակը կայուն է գնահատվում: Հիվանդի ընտանիքը ևս հսկողության տակ է:
Նախարարը հայտարարել է, որ Թուրքիայում կորոնավիրուսի հնարավոր տարածումից խուսափելու համար կանխարգելիչ միջոցառումներ են ձեռնարկվում: Քոջան քաղաքացիներին հորդորել է խուսափել արտերկրյա ճամփորդություններից և հետևել վարակից պաշտպանվելու բոլոր կանոններին: Միևնույն ժամանակ ուժեղացվել է վերահսկողությունը սահմանային անցակետերում:
