«Հանրային վերահսկողության կենտրոն» ՀԿ-ն հարցում է ուղարկել Արագածոտնի մարզպետարան՝ ստանալու տեղեկատվություն 2019թ․-ի պարգևատրումային ֆոնդի չափի վերաբերյալ։ Ի պատասխան հայտնել են, որ Արագածոտնի մարզպետարանի՝ «Պարգևատրումներ, դրամական խրախուսումներ և հատուկ վճարներ» հոդվածով ծախսերը կազմել են 78 մլն 756 հազ դրամ, իսկ «Քաղաքացիական, դատական և պետական այլ ծառայողների պարգևատրում» հոդվածով ծախսերի մասով մարզպետարանը տեղեկատվություն չի ներկայացրել։ Այսպիսով, կարելի է հետևություն անել, որ կա՛մ տեղեկատվություն չտրամադրված հոդվածով ծախսերը ավելի մեծ թիվ են կազմել, քան մյուս մարզպետարանների թվերն են, կա՛մ փորձ է արվել ստեղծելու տպավորություն, թե ամենաքիչ պարգևատրումները ստացել են Արագածոտնի մարզպետարանում։ Ամեն դեպքում ունենք փաստ, որ Արագածոտնի մարզպետարանը պարգևավճարների գումարի չափի մի մասը թաքցրել է։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
