✔️Փետրվարի 23-ին Էր-Ռիադում G20 երկրների ֆինանսների նախարարների և Կենտրոնական բանկերի նախագահների հանդիպումից հետո Արժույթի միջազգային հիմնադրամը կանխատեսել է Չինաստանի տնտեսութան աճ՝ 5,6 %: Սա 0,4 %-ով ցածր է հունվարյան կանխատեսումից:
✔️Համաշխարհային տնտեսության աճն, ըստ նույն կանխատեսման, կկազմի մոտ 0,1 տոկոսային կետով պակաս:
✔️Այս պահի դրությամբ համաճարակի արդյունքում առավելապես տուժել են չինական ու եվրոպական տնտեսությունները: Չինաստանում դադարեցվել են շատ խոշոր ընկերությունների աշխատանքներ, ինչպես արտադրող, այնպես էլ մատակարարող (VW, BMW, Airbus, Fiat Chrysler և այլն): Եվրոպական երկու ամենախոշոր տնտեսությունները՝ Ֆրանսիան ու Գերմանիան, տուժել են՝ ի հաշիվ Չինաստանում սպառման ծավալների անկման (եվրոպական երկու տնտեսություններն ատահանող տնտեսություններ են: Արտահանումն ապահովում է այս երկրների եկամուտների մոտ 40%-ը):
✔️Որքան էլ տարօրինակ թվա, Չինաստանի հետ սերտ համագործակցության մեջ գտնվող ամերիկյան տնտեսությունն այս պահին տուժել է ամենաքիչը՝ ի հաշիվ առավելապես ներքին սպառման:
✔️Ամերիկյան տնտեսությունը նույնիսկ որոշակիորեն շահել է՝ պայմանավորված ֆինանսական շուկաներում տրամադրությունների փոփոխություններով. չինական արժեթղթերի անկման արդյունքում մեծացել է հետաքրքրությունն ավելի կայուն՝ ամերիկյան արժեթղթերի նկատմամբ:
✔️Արժույթի միջազգային հիմնադրամը բացասական կանխատեսում է ներկայացրել նաև խոցելի առողջապահական համակարգ ունեցող երկրների համար:
✔️Եվրոպական բորսաներն անկում են ապրել 3%-ով:
Սրանք, իհարկե, տնտեսությունից եկող նախնական ազդակներ են և ուղիղ համեմատական են համաճարակի հետագա դրսևորումների հետ:
Այնուամենայնիվ, այս պահին հստակ արտացոլում են՝ որ երկրներին է առավելապես վնասել համաճարակի բռնկումը: