ՄԱԿ-ի գլխավոր քարտուղար Անտոնիո Գուտերեշը կոչ է արել հնարավորինս արագ դադարեցնել Իդլիբում ռազմական բախումները։ Այս մասին նա գրել է իր Twitter-ում։
Գուտերեշը գտնում է, որ կրակի դադարեցումն անհրաժեշտ է հումանիտար աղետից և «անվերահսկելի էսկալացիայից» խուսափելու համար։
Նա նաև համոզված է, որ Սիրիայում ճգնաժամը «սարսափելի վնաս է հասցնում խաղաղ բնակչությանը»։
«Հարյուրավոր մարդիկ սպանվել են։ Փոքր երեխաները ցրտից մահանում են։ Սիրիայի բազմաչարչար ժողովրդի համար հումանիտար այս սարսափը պետք է դադարեցվի»,- գրել է Գուտերեշը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
