Թուրքիայի արևելյան Էլազըգ նահանգում հունվարի 24-ի երեկոյան 6,8 մագնիտուդ հզորությամբ երկրաշարժ է գրանցվել: Երկրաշարժը տեղի է ունեցել տեղի ժամանակով 20:55-ին (Երևանի ժամանակով 21:55-ին) Սիվրիջ քաղաքի մոտակայքում:

Թուրքիայի ՆԳՆ ղեկավար Սուլեյման Սոյլուն ավելի վաղ տեղեկացրել էր, որ երկրաշարժի հետևանքով կա 4 զոհ: Նրանք բոլորը Թուրքիայի քաղաքացիներ են` երկուսը՝ Մալաթիայից, երկուսը՝ Էլագըզից:

Ինչպես հայտնում է Trand գործակալությունը, զոհերի թիվն աճել է: Այժմ նշվում է նվազագույնը 18 զոհի մասին, կան հարյուրավոր վիրավորներ: Հրապարակվել են նաև աղետի առաջին լուսանկարներն ու տեսանյութերը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել