Սուրեն Պապիկյանը դեկտեմբերի 23-ին վստահեցնում է՝ 2019թ.-ի դեկտեմբերի 1-ի դրությամբ Հայաստանում կառուցվել է 360 կմ ճանապարհ:
Նիկոլ Փաշինյանը դեկտեմբերի 19-ին ասում էր՝ 2019թ.-ի նոյեմբերի դրությամբ վերակառուցվել և հիմնանորոգվել է 330 կմ երկարությամբ ճանապարհ:
Մի կողմ թողնենք հարցը, թե որքանով է հավանական մի քանի օրերի ընթացքում այն 30 կմ ճանապարհի կառուցումը, որի մասին ֆեյսբուքյան գրառում անելիս չգիտեր Նիկոլ Փաշինյանը (իմանար՝ հաստատ կգրեր):
Ստացվում է, որ կա՛մ Նիկոլ Փաշինյանին հին տվյալներ են փոխանցել, կա՛մ ոչ ճիշտ: Էստեղից հարց է առաջանում՝ ինչո՞ւ երկրի վիճակագրական ծառայության դերակատարությունը ստանձնած վարչապետին ավելի թարմ կամ ավելի ճշգրիտ ինֆորմացիա չեն տալիս:
Չլինի՞՝ էսպիսի երևույթների մասին էր նեղսրտում վարչապետը, երբ պետական կառավարման համակարգը քննադատելիս պնդում էր, որ չի կարողանում ճիշտ ինֆորմացիա ստանալ:
Հետաքրքիր է՝ արդյո՞ք Նիկոլ Փաշինյանի կողմից նախորդիվ ներկայացված բոլոր տվյալները ևս այնքան էլ ճշգրիտ չէին:
