Դեկտեմբերի 8-ին Մոսկվայի Կրեմլի համերգասրահում տեղի ունեցավ ամենամյա «Տաշի շոու» միջոցառումը, որը կազմակերպում է Euromusic ընկերությունը՝ ի դեմս տնօրեն Տարոն Պողոսյանի: Երեկոյի ընթացում եղել են հումորային համարներ, հնչել սիրված և արդեն հայտնի երգեր: Միջոցառման մասնակից արտիստները լուսանկարվել են հետնաբեմում, սթորիներ արել, իսկ արդեն երեկոյի ավարտին՝ մասնակցել բանկետի:
Euromusic-ի PR պատասխանատու Լուսինե Խաչատրյանը BlogNews.am-ին տրամադրել է ամբողջական ֆոտոշարքը և մանրամասներ պատմել համերգից. «Այս տարի ԱՄՆ-ից ժամանել էին երգիչներ Գոռ Եփրեմյանը և Ազատ Հակոբյանը, իսկ ռուս արտիստներից՝ Դիանա Գուրցկայան, Լերա Կուդրավցևան, Սոս Պավլիաշվիլին, Սոգդիանան, Աննա Կալաշնիկովան և Եվգենի Ալյոշինը»:
Համերգի ընթացքում երգչուհիները կատարել են Ալլա Պուգաչովայի երգերից մեկը, որն էլ նվիրել են նրան: Լուսինեն նաև նշեց, որ համերգից շաբաթներ առաջ վաճառվել էին բոլոր տոմսերը:
