Պատիվ ունեմ:

Մի քանի օր առաջ «Արտ Լանչ»-ը սկսեց ՊՆ զորամասերից 2-ում ճաշարանների շահագործումը: Սա այն հազվագյուտ դեպքերից է, երբ արածդ պարզապես բիզնես չէ, երբ հացդ զինվորն է ուտելու։
Սա մեզ համար պատվի խնդիր է:

Մտածում էի՝ վերադառնամ, նոր գրեմ այս մասին, բայց այս մի քանի օրվա մեջ այնքան շնորհակալություններ ենք ստացել մեր զինվորներից, որ չէի կարող չկիսվել: Զինվորներից շատերը հարցրել են մեր խոհարարներին. «Էս հետո էլ ա ըսենց համով ու բազմազան լինելո՞ւ, թե՞ սկիզբն ա, դրա համար ա...»։ Պատասխանում եմ՝ նոր ենք, դրա համար ա սենց, կամաց-կամաց ավելի լավ ա լինելու։

Գործընթացը շարունակական է, ամիսը մի քանի զորամասերի ճաշարաններ կանցնեն նույն մեթոդին: 
Աշխարհի զարգացած և հզոր բոլոր երկրների բանակներում զինվորի հացը վստահված է մասնավորին: Ի՞նչ առավելություն կա։ Նշեմ կարևորագույները՝ որակի բարձրացում և տեսականու ընդլայնում:

Հարց՝ չէ՞ր կարող կամ արդյո՞ք ցանկություն չուներ ՊՆ-ն ինքը լավացնելու որակը և տեսականին: Կարծում եմ՝ չէր կարող և հետևյալ պատճառով․ դա նույնն է, որ «Արտ Լանչ»-ը որակյալ մեքենաների տեխսպասարկում անի (մենք մեր մեքենաները վստահում ենք տվյալ ոլորտի պրոֆեսիոնալներին): Նույն էլ բանակի սննդի հարցն է․ կան այդ գործի պրոֆեսիոնալներ...
Փոքրիկ օրինակ բերեմ մեկ այլ առավելության: Երբ պետական որևէ կարիքի համար պետք է սննդամթերք, ըստ օրենքի՝ հայտարարվում է մրցույթ, որը, բնականաբար, ժամանակատար է՝ մինիմում մեկ ամիս, որպեսզի բոլոր շահագրգիռ մատակարարներն իմանան, հետո ուսումնասիրեն բոլոր հայտերն, ու բնականաբար, այդ գործընթացի ժամանակատարությունից ելնելով՝ գնումն արվում է գոնե մի քանի ամսվա, եթե ոչ ամբողջ տարվա համար: Մասնավորն այդ հարցում շատ ճկուն է, անընդհատ թարմ գնումներ, ինչի շնորհիվ մենյուի բազմազանությունը հեշտ հնարավոր է ապահովել՝ թարմ մրգերից կոմպոտ (սիրոպների փոխարեն), սեզոնային բանջարեղեններ, կանաչիներ, մեր սարերի բարիքներ...

Մի կարևորագույն առավելություն էլ՝ մարզերում գյուղատնտեսության զարգացում։ Ասեմ ավելին՝ արդեն հանդիպում եմ ունեցել ԱԺ խմբակցություններից մեկի ներկայացուցչի հետ սահմանմերձ գյուղերից գյուղմթերքների գնումը ապահովելու համար: Հանդիպել եմ նաև գյուղոլորտի լավագույն մասնագետների հետ, և արդյունքում այսօր ընթանում են լոգիստիկ կենտրոնների ստեղծման գործընթացները, որոնք կապահովեն գյուղացու և մեր միջև կապը: Image may contain: food
Մեր առջև գլխավոր 2 նպատակ ենք դրել.
1. Ապահովել բարձր որակ և բազմազանություն,
2. Ճկուն գնումների շնորհիվ ապահովել մաքսիմալ տեղական արտադրանքի օգտագործում։

Վերջում պարզապես ավելացնեմ, որ այս գործընթացին մասնակցում են մե» նման պրոֆեսիոնալ մի քանի կազմակերպություններ, և 2 տարվա ընթացքում բոլոր մեր զինվորները կունենան ավելի որակյալ, բազմազան և առողջ սնունդ։Image may contain: food
Հ. Գ. Էնքան ոգևորված գրեցի, կարևորն էի մոռանալու․ բոլոր զինվորական ճաշարանները վերանորոգելու ենք ըստ անհրաժեշտության, ամբողջությամբ փոխվելու են սպասքը, կահույքը, թարմացվելու են սարքավորումները։
Կից դնում եմ մեր կողմից սպասարկվող զորամասերից մեկի ճաշարանի ինքնասպասարկման հոսքագծի նկարները: 
Բարի ծառայություն եմ մաղթում մեր բոլոր զինվորականներին։Image may contain: indoorImage may contain: food and indoorImage may contain: foodImage may contain: food

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել