Yerkir.am-ը գրում է.

Համացանցային աճուրդներից մեկում վաճառքի հանված` Ուկրաինայի նախագահ Վլադիմիր Զելենսկիի գիպսե կիսանդրին, որը լրագրողները նրան են ցանկացել նվիրել, նախագահը հրաժարվել է ընդունել: Այս մասին տեղեկացնում է ukranews.com-ը:

«1+1» հեռուստաալիքի նկարահանող խումբը նախագահի մարզային այցելության ժամանակ կիսանդրին ցույց է տվել նրան: «Որտեղի՞ց եք սա գտել, ահավոր է: Համացանցում եմ տեսել սա, ու այն պետք չէ ինձ փոխանցել։ Ինչո՞ւ ես»,- զարմացած ասել է նախագահն ու հորդորել այլևս նման բան չանել:

Նախագահի պաշտոնի ստանձնման երդման արարողության ժամանակ Զելենսկին ասել էր, որ չի ցանկանա, որ պաշտոնյաների աշխատասենյակներում լինեն իր նկարները, քանի որ «նախագահը սրբապատկեր չէ»։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել