Yerkir.am-ը գրում է.
Թուրքիայի համար մեծ գլխացավանք առաջացրած Ս-400 ՀՕՊ համակարգերը հասել են Թուրքիա: Այս մասին հաղորդում է թուրքական artigercek.com կայքը:
Ըստ կայքի` Ռուսաստանի Տվեր քաղաքից օդ բարձրացած ինքնաթիռները, որոնք տեղափոխում են համակարգերը, վայրէջք են կատարել Մալաթիայում և Անկարայում: Նաև նշվում է, որ համակարգերի հետ ժամանել են նաև ռուս մասնագետներ:
Նշենք, որ Ռուսաստանից գնված համակարգերի պատճառով սրվել են թուրք-ամերիկյան հարաբերությունները, ինչպես նաև ՆԱՏՕ-ի հետ հարաբերությունները: Ըստ Թուրքիայի դաշնակիցների` ռուսական համակարգերի պատճառով դաշնակիցների ինքնաթիռները խոցելի կդառնան:
Հավելենք նաև, որ դեռևս ոչ մի պաշտոնական հայտարարություն չկա Ս-400-ների տեղ հասնելու վերաբերյալ:
Նյութի աղբյուր՝ https://www.yerkir.am/news/view/179509.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել