«Երևան Մոլ»-ում երեկ տեղի ունեցավ «Damat Tween»-ի տղամարդկանց հագուստի բուտիկի պաշտոնական բացումը: Այն թվով երկրորդն էր Հայաստանում։ Բրենդի առաջին խանութ-սրահը բացվել էր 2018-ին։ «Damat Tween»-ն իր հաճախորդներին է ներկայանում ցնցող ու նորաոճ գարուն-ամառ նոր հավաքածուով։ Լեգենդար ապրանքներ, որոնք հարստացնում են յուրաքանչյուր տղամարդու զգեստապահարանը կոստյումից մինչև վերնաշապիկ, կոշիկից մինչև պայուսակներ և գոտիներ: Միջոցառմանը ներկա է եղել նաև BlogNews.am-ը։ Ի դեպ, երեկոյի հյուրերը հնարավորություն ունեին գնումներին զուգահեռ վայելելու գեղեցիկ երաժշտություն, ինչպես նաև համտեսելու նրբահամ շոկոլադ ու խմիչք։
Աշխարհահռչակ բրենդն իր գործունեությունը սկսել է 1986 թվականից: Տղամարդկանց հագուստի ոլորտում նորաձևություն թելադրող «Damat Tween» բրենդի փիլիսոփայությունը նորաձևության և հարմարավետության ստեղծումն է. «Բրենդի կոնցեպտն արտացոլում է աշխարհում ամենահաջողված ապրանքանիշի փիլիսոփայությունը․ չէ՞ որ գեղեցիկն առանց հարմարավետի կորցնում է իր ողջ ուժը»,- ասում է մենեջեր Միքայելն ու ավելացնում, որ «Damat Tween»-ի առանձնահատկությունն իտալական բրենդային կտորներն են, որոնցով էլ կարվում է հագուստը. «Էլեգանտ ու կլասիկ հագուստներից բացի՝ խանութ-սրահն առանձնանում է իր քեժուալ հագուստի տարբերակներով, որոնցից են, օրինակ, պիջակները, որոնց չեք հանդիպի մեկ այլ տեղ։ Վստահաբար կարող եմ եմ ասել, որ մենք կբավարարենք նույնիսկ ամենաքմահաճ հաճախորդների պահանջները։ Մեր արհեստավարժ աշխատակիցները յուրաքանչյուր հաճախորդի անհատական մոտեցում են ցուցաբերում և օգնում նաև ոճաբանի խորհրդատվությամբ»:
«Damat Tween»-ն ամբողջ աշխարհում ունի շուրջ 200 խանութ-սրահ։ «Երևան Մոլ»-ի բուտիկի բացմանը ներկա էր նաև բրենդի միջազգային ներկայացուցիչ Ferhat Saridogan-ն, ով մեծ ներդրում ունի ապրանքանիշի հաջողության ու բարգավաճման գործում. «Ինձ շատ է դուր գալիս նոր սրահը։ Պետք է ասեմ, որ այն մեր ունեցած ամենագեղեցիկ սրահներից մեկն է։ Շնորհավորում եմ բոլորիս, մեզ հաջողվել է լիարժեք ներկայացնել «Damat Tween»-ի կոնցեպտն ու բրենդի գաղափարախոսությունը»։
«Damat Tween»-ի հավատարիմ հաճախորդներից է դերասան Սարգիս Գրիգորյանը։ Ասում է՝ զգեստապարահանի մոտ 90 տոկոսը կազմում են բրենդի պիջակները. «Ես, իմ աշխատանքից ելնելով, շատ եմ օգտագործում կոստյումներ ու ասեմ, որ բավական գոհ եմ, քանի որ ոչ միայն գեղեցիկ են, այլև բարձրորակ։ «Damat Tween»-ն այն քիչ խանութներից մեկն է, որտեղ մասնագիտական մոտեցում կա հաճախորդի հանդեպ։ Այսօր, ճիշտ է, չեմ կրում «Damat Tween», բայց հետևում եմ նորույթներին, ու իմ պահարանում կշարունակեն լինել բրենդի կոստյումները»։
Նյութը՝ Էմմա Վարդանյանի
