Azatutyun.am-ը գրում է.
Ադրբեջանը նախորդ տարի մոտ 300 միլիոն դոլարով ավելացրել է պաշտպանական ոլորտի ծախսերը, խորհրդարանում հայտարարել է վարչապետ Նովրուզ Մամեդովը՝ անցած տարվա բյուջեի կատարողականը ներկայացնելիս: Ըստ այդմ, 2018-ին Ադրբեջանը ռազմական ոլորտին հատկացրել է շուրջ 2 միլիարդ դոլար:
«Զինված ուժերի ապահովումը արդիական ռազմական տեխնիկայով եղել է մեր ուշադրության կենտրոնում, այդ նպատակով ձեռք են բերվել «Պոլոնեզ», «Լորա» համակարգեր և այլ միջոցներ», - հայտարարել է Մամեդովը:
Ադրբեջանի վարչապետի խոսքով, տեղական ընկերությունները անցած տարի շուրջ 150 հազար դոլարի պաշտպանական նշանակության արտադրանք են տվել, 70 հազար դոլարի էլ՝ արտահանել:
Նյութի աղբյուր՝ https://www.azatutyun.am/a/29823297.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել