Bravo.am-ը գրում է.
Մոտենում է կաթոլիկ եկեղեցու Սուրբ Ծնունդը. Ֆրանսիայի բոլոր քաղաքներում եւ հատկապես մայրաքաղաքում այս տոնին պատրաստվում են դեռ նոյեմբերի սկզբից` տոնական զարդարանքներով փորձում են գերել քաղաքացիներին եւ զբոսաշրջիկներին, իսկ աչք շոյող ցուցափեղկերը հրավիրում են նվերներ գնելու։
Փարիզի «Գալերի Լաֆայեթ» հայտնի խանութների կենտրոնը դառնում է բոլորի սիրելի վայրերից մեկը, ցուցափեղկերի տոնական զարդարանքները թատերական ներկայացման են վերածվում, որն էլ շտապում են դիտել մեծերն ու փոքրերը։ Ամենաճանաչված ապրանքանիշերը եւ ձեւավորողներն աշխատում են հեքիաթ նվիրել այցելուներին։ Այս տարի, սակայն, ներկայացման «ռեժիսորը» երեխաների երեւակայությունն է.
5-ից 11 տարեկան երեխաների նկարները մրցույթով ընտրվել եւ վերածվել են հերոսների, նրանց պատկերած կերպարները շարժվում, պարում եւ երգում են` բոլորին դեպի մանկություն տեղափոխում։ Իսկ հսկայական տոնածառը գտնվում է կենտրոնի ներսում. ամեն տարի այն նոր տեսք է ստանում` խորհրդանշական որեւէ թեմայով զարդարվում։
Ամբողջական հոդվածը կարող եք կարդալ այստեղ
