Bravo.am-ը գրում է.
Նարե Գեւորգյանը նոր տեսահոլովակ ունի: Նա BRAVO.am-ին պատմել է երգի ընտրության եւ նկարահանումների մասին, խոսել սպասվելիք համերգներից, ինչպես նաեւ պատասխանել անձնական կյանքին վերաբերող մեր հարցերին:
«Շատ սիրել էի «Մեր Էրգիրը» երգը, մի շարք շրջագայություններից հետո հասկացա, որ իմ կատարումը սիրվել է նաեւ արտերկրում ապրող հայերի կողմից, եւ որոշեցինք, որ այն անպայման պետք է ունենա տեսահոլովակ»,-նշել է երգչուհին եւ հավելել, որ երգը նվիրված է Հայաստանի առաջին Հանրապետության 100-ամյակին:
Տեսահոլովակը նկարահանվել է Հայաստանում եւ Լիբանանի հայաշատ Անճար քաղաքում.«Սկսեցինք սեպտեմբերին, երբ այնտեղ էինք համերգային այցով: Ի դեպ, Անճարի քաղաքապետը եւս հայ էր ու մեզ շատ օգնեց նկարահանումների հարցում, իսկ մյուս մասը նկարահանեցինք նոյեմբերին՝ Սաղմոսավանքում։ Հետաքրքիրն այն է, որ հոլովակի համար ստեղծել էինք նաեւ 3-րդ կերպարը, որը նկարահանվեց տաղավարում, սակայն հենց տեղում հասկացանք, որ այն ոչ մի կերպ չի համընկնում մյուս տեսարանների հետ, արդյունքում` չներառեցինք»:
Ամբողջական հոդվածը կարդացեք Bravo.am-ում
