Սիրելի հայրենակիցնե՛ր,
Նոյեմբերի 15-18-ը Երևանում կանցկացվի ԼԳԲՏ-քրիստոնյաների ֆորումը: Այս մասին տեղեկացնում է Ռուսական ԼԳԲՏ-ցանցի պաշտոնական lgbtnet.org կայքը: Երևանում միջոցառման կազմակերպիչն է «Նոր սերունդ» մարդասիրական հասարակական կազմակերպությունը:
Եվ այսպես...
Մենք ունենք այն, ինչ ունենք՝ փոքրիկ Հայաստան, որի դեմ կան բազմաթիվ հասունացած և հասունացող խնդիրներ՝ թշնամի կամ հակառակորդ պետություն և ԼԳԲՏ համայնք՝ նրանց օգնող ուժերի հետ միասին: Մենք ունենք դարերից եկած ավանդույթներ, պատմություն և մշակույթ, որոնց պահպանման համար արյուն է թափվել ու այնքան շատ, որ մտածելն է անգամ այդ ուղղությամբ ցավ պատճառում, բայց հպարտության զգացում է, որ պատմության դառը էջերի մեջ ներգրավվելով մենք շարունակում ենք գոյատևել:
Դարեր շարունակ մեր պապերը, պապու պապերը, մի խոսքով՝ հայը, ապրել է այն արժեքային համակարգով, որով ապրում ենք և ապրելու ենք մենք:
Վստահ եմ, որ ԼԳԲՏ համայնքին աջակցությունը, պոպուլարիզացիան չի բխում ՀՀ ազգային ու պետական շահերից, ուստի ես դեմ եմ:
Մենք աշխարհին շատ բան ենք ապացուցել և ունենալով զարգացող, բայց ծերացող հասարակություն՝ այնուամենայնիվ, դեմ չենք սեռական այլ կողմնորոշում ունեցող անձանց, այլ դեմ ենք դրա քարոզի:
ՀՀ յուրաքանչյուր քաղաքացի, անկախ սեռական կողմնորոշումից, իրավունք ունի ապրելու ՀՀ-ում, ինչպես և բոլորը:
Նրանք ևս մարդ են, մենք ֆաշիստ չենք, որ ասենք՝ պետք է բոլորին ոչնչացնել, տրորել կամ գնդակահարել, բայց դա չի նշանակում, որ իրենք պետք է ինչ ուզեն, անեն՝ հարվածելով մեր պետականությանը, պատմությանը, ավանդույթներին և մշակույթին: Այ սա է անթույլատրելի, թե չէ որտեղ ուզում են, թող իրար սիրեն, միայն թե մեր աչքը դա չնկատի:
Հ.Գ. Էլի եմ կրկնում՝ ես #ԴեմԵմԼԳԲՏ-ին, բայց զարգացող աշխարհի հետ պետք է դանդաղ վազենք՝ ելնելով հանրապետության շահերից, պահպանելով մեր հայ լինելու պատիվը, տիտղոսը:
Կոչ եմ անում ՀՀ Կառավարությանը՝ ի դեմս վարչապետ Ն. Փաշինյանի, թույլ չտալ այդ ֆորումի իրականացմանը, այլապես մենք մեր պայքարը կտեղափոխենք այլ հարթություն:
Դեմ եմ ԼԳԲՏ քարոզին ՀՀ-ում:
Եվ ուրեմն՝ նոյեմբերի 15-ին՝ ժամը 17:00-ին, բոլորս լինենք Ազատության հրապարակում և մեր վճռորոշ դիրքորոշումը հայտնենք՝ դեմ եմ:
