Վերջին օրերին Լոռու մարզի Գյուլագարակ համայնքում հաճախակի են դարձել գայլերի հարձակման դեպքերը: Հարձակման վերջին դեպքը գրանցվել է այս գիշեր: Գայլերի հարձակման թիրախում այս անգամ հայտնվել են Սմբատ Թոթոլյանին պատկանող ոչխարները:
Ինչպես Գյուլագարակում շատերը, Սմբատ Թոթոլյանը ևս ոչխարաբուծությամբ սկսել է զբաղվել բանկից վերցրած գյուղատնտեսական վարկի հաշվին:
«1.500 դոլար վարկ էի վերցրել, սկսել ոչխար պահել: Առավոտն եկա, տեսա ոչխարներից 6-ը սատկած, 10-ը՝ վիրավոր, մի քանիսն էլ փախել գնացել են»,- ասում է անասնատերը:
Վերջինիս վստահեցմամբ՝ գոմի դուռը փակ է եղել, գայլերը ներս են մտել փոքրիկ օդանցքով, որը գյուղացին թողել էր գոմն օդափոխելու համար:
«Անցքը շատ բարձր է եղել, բայց թռել մտել են»,- ասում է Ս. Թոթոլյանն ու ցույց տալիս գոմի պատի վերին հատվածում բացված փոքրիկ անցքը:
Ամբողջական հոդվածը կարող եք կարդալ այստեղ:
Նյութի աղբյուր՝ http://hetq.am/arm/news/78722/gyulagarakum-gisherayin-hertapahutyun-e%E2%80%A4-gayleri-hardzakman-depq-e-grancvel.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել