Lurer.com-ը գրում է.
Ոստիկանության Նաիրիի բաժին հունվարի 10-ին հիվանդանոցից հաղորդում է ստացվել, որ Նոր Երզնկա գյուղի դպրոցի մոտ գազի պայթյուն է տեղի ունեցել, կա տուժած անձ:
Ինչպես տեղեկացրին ՀՀ ոստիկանության հասարակայնության հետ կապերի և լրատվության վարչությունից, դեպքի վայր մեկնած օպերատիվ խմբին 1978 թվականին ծնված Թերեզա Ա.-ն բացատրություն է տվել, որ նույն օրը, ժամը 12.00-ի սահմաններում, տան բակում տեղակայված փայտե ինքնաշեն կաթսայատանը էլեկտրաէներգիայի ժամանակավոր բացակայության պատճառով օդի ճնշման գոյացումից պայթյուն է տեղի ունեցել, ինչի հետևանքով ամուսնու հայրը՝ 1947 թ. ծնված Նարիման Մ.-ն, մարմնական վնասվածքներով տեղափոխվել է հիվանդանոց: Ըստ բժշկի տեղեկանքի՝ Նարիման Մ.-ն ի վիճակի չի եղել բացատրություն տալու: Հանգամանքները պարզվում են: Կատարվում է հետաքննություն:
