Երևանի շենքերից մեկի բակում հայտնաբերվել է 66-ամյա տղամարդու դի
14:31 , 27 ապրիլ, 2024Shamshyan.com-ը գրում է.
Այսօր՝ ապրիլի 27-ին, ողբերգական դեպք է տեղի ունեցել Երևանում: Ժամը 02:00-ից 02:30-ն ընկած ժամանակահատվածում ՀՀ Ներքին գործերի նախարարության ոստիկանության Նոր Նորքի բաժնում ահազանգ է ստացվել, որ Գյուլիքևխյան փողոցի շենքերից մեկի բակում դի կա:
Ինչպես հայտնում է shamshyan.com-ը, ոստիկաններն ու պարեկները նշված փողոցի շենքերից մեկի բակում հայտնաբերել են նույն շենքի բնակիչ 66-ամյա Ռ. Ս.-ի դին:
Ըստ նախնական տեղեկությունների՝ տղամարդը ինքնասպանություն գործելու նպատակով նետվել է 4-րդ հարկի իր բնակարանից։