ԼՂ բնակչության վերադարձն ու անվտանգության երաշխիքները Բաքվի և Մոսկվայի կողմից քննարկվող հարցերից են. Զախարովա
19:42 , 14 փետրվար, 2024Lurer.com-ը գրում է.
Ռուս-ադրբեջանական երկխոսության թեմաներից մեկն էլ վերաբերում է ԼՂ հայ բնակչության վերադարձին ու նրանց իրավունքների և անվտանգության ապահովմանը։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Նախապատրաստվում են հերթական ռուս-ադրբեջանական կոնտակները՝ կապված ռուս խաղաղապահ կոնտիգենտի հետ։ Մեր երկխոսությունն այդ բնագավառում պարբերական բնույթ է կրում և կոնստրուկտիվ է ընթանում»,-ասել է նա։
Ի թիվս այլ հարցերի, Զախարովայի խոսքերով, քննարկվում են ԼՂ հայ բնակչության վերադարձի հեռանկարները, նրանց իրավունքների և անվտանգության ապահովումը, նաև կրոնական ու պատմական հուշարձանային ժառանգության համատեղ պահպանման հարցը։