«Տեղեկացանք, որ հունվարի 18-ին Նիկոլ Փաշինյանի օգնական է նշանակվել ծնունդով իջևանցի, մասնագիտությամբ՝ ստոմատոլոգ Գագիկ Իսախանյան անուն-ագգանունով մի անձնավորություն:
Իջևանյան մեր աղբյուրներից փորձեցինք պարզել, թե ով է ատամնաբույժ երիտասարդը և, առհասարակ ինչ կապ կարող է ունենալ ատամնաբույժը քաղաքականության հետ: Այն, ինչ պարզեցինք՝ շոկային է: Մեր իջևանյան աղբյուրների պնդմամբ, ոմն Գագիկ Իսախանյանը, որն օրեր առաջ նշանակվել է վարչապետի խորհրդական, մասնակցել է արցախյան վերջին պատերազմին:
Իջևան քաղաքում պտտվող լուրերի համաձայն՝ երիտասարդ ատամնաբույժը Արցախում շատ բան է տեսել, այդ իսկ պատճառով Նիկոլը նրա բերանը փակելու համար պաշտոն է տվել:
Մեր աղբյուրը նաև նշում է, որ Իջևանի սոցիալական աջակցության տարածքային գործակալության պետը՝ Գագիկ Մելքումյանը վերոնշյալ անձի աներն է»,-գրում է թերթը:
Նյութն ամբողջությամբ կարդացեք թերթի այսօրվա համարում:
